Standardized beauty

Fair and lovely ki is duniya mei...agar rang ek pehchaan hei..tho kaala kya sirf ek daag hei??

Saalon se salon tak ...samaaj se samjhotey tak...
Na kisi ne... "dikhti kaise"? se pehle kuch aur poocha hei??

Kala color pasand...kajal pasand...ghaney kaale baal pasand..lekin khoobsurati naam le tho...bhaiyya kaala rang bas nazar se bachane ka saahil banjaaye..

Is desh mei kitna b tarakkhi karlo...kitna b pehchaan banalo..log tholeynge ...paas ayenge tho rang dekhke hi...

Surat dekhlo....sirat kis baat ka...duniya ko bas dikhaana hei...duniya chalaana kis kaam ki...
Ladko ka thol tho achai mei miljaata...lekin ladki ka mol q...rang pe pigaljaata..

Desh mei mere sab kuch hei rang Birangey ...Resham ki dori se kaale dhage tak bikte idhar berangey..
Akal se pehle shakal....kitne ummedon ko todhdiya....mann se pehle rang ki majboori ....na jaane kitne Muskuraahaton ko mod diya

Kaale ko kaali...gorey ko gori...ye rang ab pehchaan q bangaya...haldi, chandan aur face creams..ko itna shiddat q milgaya...

Soch badalte badlaate ...log rang badalrahey....rang birangi desh hei mera...akhir aazadi ka tiranga b safead banadiye